Փարիզում Ինդոնեզիայի դեսպանատան շենքը, որի մոտ երեկ տեղի է ունեցել պայթյուն, չի հանդիսանում հարձակման նպատակը: Այս մասին այսօր հայտնում է «Ֆրանս Պրես» գործակալությունը` հղում անելով ինդոնեզական հետախուզության ղեկավար Մարսիանո Նորմանին:
«Տեսախցիկն արձանագրել է, որ փաթեթը դրել են Ինդոնեզիայի դեսպանատան աղբարկղում: Հետո՝ 10 րոպե անց, ինչ-որ մեկը փաթեթը դրել է փողոցի մյուս կողմում: Միայն դրանից հետո է այն պայթել»,- Ջակարտայում հայտարարել է տեղի հետախուզության պետը:
Նորմանը եկել է եզրակացության, որ եթե չարագործները միտք ունենային պայթեցնել Փարզիում Ինդոնեզիայի դեսպանատունը, ապա փաթեթը չէին տեղափոխի: Նա ընդգծել է, որ դա տեղափոխել էլ ինչ-որ մոտոցիկլետավար:
Ավելի վաղ France Presse-ը հաղորդել էր, որ ծանրոցը թողել են 3 անծանոթներ, այն ժամանակին հայտնաբերել ու մի կողմ էր նետել դեսպանատան անվտանգության աշխատակիցը, ինչից հետո էլ տեղի էր ունեցել պայթյունը: Ոչ ոք չէր տուժել պայթյունի հետևանքով:
