Ամերիկյան «Մաքդոնալդս» ընկերությունը, որը մասնագիտացված է արագ սնունդի պատրաստման գործում, «Եվրո-2012»-ին Լեհաստան և Ուկրաինա կուղարկի իր հավաքականը: «Մաքդոնալդս»-ի ընտրանին կազմված կլինի 6-ից 10 տարեկան երեխաներից, որոնք Ռուսաստանի ազգային հավաքականի հետ Չեխիայի դեմ կայանալիք առաջին հանդիպման ժամանակ դուրս կգան խաղադաշտ:
Ընկերության պաշտոնական կայքի փոխանցմամբ` հավաքականը կկազմվի մրցույթի միջոցով, որի ժամանակ մասնակիցներից յուրաքանչյուրը պետք է բացատրի, թե ինչու հենց ինքը պետք է տեղ զբաղեցնի ընտրանու կազմում:
Հիշեցնենք, որ 2008 թվականին` Եվրոպայի առաջնությունից առաջ, տեղի ունեցավ այդպիսի մի մրցույթ, որի հաղթողներից մեկը մինչ մրցաշարը երեխաների նամակները հանձնեց Ռուսաստանի հավաքականի խաղացողներ Վլադիմիր Բիստրովին, Անդրեյ Արշավինին և Վյաչեսլավ Մալաֆեևին:
Այնուհետև երեխաների հավաքականը Ռուսաստանի հավաքականին դուրս բերեց Իսպանիայի դեմ «Եվրո-2008»-ի կիսաեզրափակիչ հանդիպմանը, իսկ 2010 թվականին Ռուսաստանի հավաքականին ուղեկցեց ՀԱՀ-ում կայացած ֆուտբոլի աշխարհի առաջնության ժամանակ:
