Հոլիվուդյան Warner Bros. կինոընկերությունը մոտ ապագայում կնկարահանի լիամետրաժ ֆիլմ-պարոդիա այն մասին, թե ինչպես կծավալվեր խորհրդային պատմությունը, եթե կախարդությունն ու գուշակությունը օգտագործվեին արտադրության մեջ և կենցաղում այնպես, ինչպես էլեկտրականությունը: Այս մասին հաղորդում է Deadline.com-ը:
Պորտալի տվյալներով` նոր ֆիլմի հիմքում ընկած է լինելու նկարիչ Քրիստիան Գոսեթի «Կարմիր աստղ» կոմիքսների շարքը:
Ժապավենի հեղինակը կդառնա Ջոշ Թրենկը, որի՝ փետրվարին լույս տեսած փոքրաբյուջետ «Խրոնիկա» ֆիլմը կեղծ վավերագրության ձևով ներկայացնում է դեռահասների չարագործությունները, որոնք անտառում գտնում են երկնաքար ու օժտվում գերբնական ուժով: Ֆիլմը վարձույթում հավաքել էր 116 մլն դոլար և ստացել դրական արձագանքներ: Այս մասին հաղորդում է RIA Novosti-ն:
Նոր ֆիլմում որպես սցենարիստ հրավիրվել է Ջեյսոն Ռոտենբերգը:
Առայժմ հայտնի չէ, թե ինչպես կկոչվի ֆիլմը ու երբ դուրս կգա էկրան:
