ԱՄՆ-ում առաջարկված նոր օրենքի համաձայն՝ հանրային գործակալություններին կարգելվի աշխատանքի համար դիմող մարդկանցից պահանջել Facebook սոցիալական ցանցի նրանց գաղտնագրերը:
Daily Mial-ը գրում է, որ Իլինոյի և Մերիլենդի օրենսդիրները քննարկում են, թե արդյոք գաղտնագիր պահանջելն ընդունելի՞ է աշխատանքի ընդունման գործընթացում, թե՝ ոչ:
Նման օրենքի քննարկման անհրաժեշտությունն առաջացել է, քանի որ ամնե օր ավելի ու ավելի շատ գործատուներ ցանկանում են իրենց աշխատողներից ստանալ նրանց սոցիալական ցանցերի էջերի գաղտնագրերը՝ դրանք վերահսկելու համար:
Որոշ մարդիկ բողոքում են, որ աշխատանքի ընդունվելուց հետո իրենց անգամ ստիպել են հատուկ համաձայնագրեր ստորագրել, որոնցով իրենք պարտավորվում են տվյալ ընկերության վերաբերյալ ոչ մի բացասական մեկնաբանություն չտեղադրել սոցիալական ցանցերում: