CNN-ի փոխանցմամբ, ԱՄՆ Հանրապետական ազգային կոմիտեի նոր նախագահ է ընտրվել Ռայնս Փրիբուսը: Նախկինում Փրիբուսը աշխատել է խորհրդատվական կազմակերպությունում, սակայն 2010թ.-ին թողել է այդ գործունեությունը և նախագահի ընտրություններին մասնակցելու հայտ ներկայացրել:
Ելութ ունենալով կուսակցիների առաջ` Փրիբուսը հայտարարել է, որ առաջնային խնդիրն է օգնել հանրապետական թեկնածուին հաղթել Բարաք Օբամային 2012թ.-ին կայանալիք նախագահական ընտրություններում:
Փրիբուսից առաջ կոմիտեի նախագահն էր Մայքլ Սթիլը, որն այդ պաշտոնը զբաղեցնում էր 2009թ.-ի հունվարից: CNN-ը նշում է նաև, որ Փրիբուսն է ղեկավարել Սթիլի նախընտրական քարոզարշավը, երբ նա պայքարում էր Հանրապետական ազգային կոմիտեի նախագահության համար:
