Իսրայելի պատգամավորները Քնեսեթի լիագումար նիստում վերջնականապես հաստատել են շատ նիհար աղջիկներին գովազդային հոլովակներում նկարահանվել արգելող օրենքը: Այս մասին գրում է NEWSru Israel-ը:
Նորամուծությունն ուղղված է կնոջ գեղեցկության սխալ իդեալի պայքարի դեմ: Ոչ առողջ, նիհար մոդելն, ըստ օրինագծի հեղինակների, վատ օրինակ է հանդիսանում կրտսեր սերնդի համար. Իսրայելի բազմաթիվ երեխաների և դեռահասների մոտ ամեն տարի ախտորոշվում է անորեքսիա՝ սննդի խանգարում, ընդ որում՝ հիվանդությունը շատ հաճախ ավարտվում է մահվամբ:
Այդ ամենը հաշվի առնելով՝ պատգամավորներն ընդունված օրենքը տեղին են համարում:
Այսպիսով, մոդելի համար նորմալ քաշ կհամարվի, այսպես կոչված, մարմնի զանգվածի ինդեքսը (BMI):
Այժմ, ըստ նոր օրենքի, 175 սմ միջին հասակ ունեցող մոդելը պետք է կշռի նվազագույնը 57 կգ:
Հարկ է նշել, որ 6 տարի առաջ նման սահմանափակումներ արդեն կիրառվել էին Իսպանիայում, Իտալիայում և Բրազիլիայում: Այս երկրների կառավարությունները նույնպես որոշել էին չափազանց նիհար մոդելներին արգելել մասնակցել շոուներին:
Բացի այդ, Իտալիայում արգելված է 16 տարեկանից ցածր մոդելների մասնակցությունը ցուցադրություններին: Իսկ Բրազիլիայում մոդելային գործակալություններն իրենց մոդելներից պահանջում են այնպիսի հիվանդությունների բացակայությունը հաստատող բժշկական տեղեկանք, ինչպիսիք են անորեքսիան և բուլիմիան: