Չնայած Ճապոնիայի «Ֆուկուսիմա 1» ատոմակայանում անցյալ տարի տեղի ունեցած վթարին՝ Վիետնամի իշխանությունները չեն հրաժարվում Ճապոնիայից երկու ատոմային ռեակտոր գնելու և նրա հետ խաղաղ ատոմային ծրագրի շուրջ համագործակցելու մտադրությունից: Այս մասին այսօր հայտարարել է այստեղ գտնվող Ճապոնիայի նախկին վարչապետ Յոկիո Խատոյաման:
Ինչպես հաղորդում է ITAR-TASS-ը, նա պատմել է, որ Վիետնամը խնդրում է շարունակել այդ ոլորտում համագործակցությունը: ««Ֆուկուսիմա 1» ատոմակայանի վթարը չի խաթարել Վիետնամի վստահությունը ճապոնական ատոմային էներգիայի նկատմամբ»,- ասել է նա:
2006-2010թթ. լինելով Ճապոնիայի վարչապետը՝ Խատոյաման մեծ ուշադրություն էր դարձնում Վիետնամի հետ համագործակցությանը խաղաղ ատոմի բնագավառում: Այժմ Ճապոնիայի ստորին պալատի պատգամավոր Խատոյաման Վիետնամ է եկել մասնավոր այցով:
