Ուկրաինայի քրեակատարողական հիմնարկների մեծ մասում քրեականները նամակներ են ստացել քրեական հեղինակություններից, ովքեր պահանջում են` հաշվեհարդար տեսնել նիկոլաևցի 3 տղաների նկատմամբ, ովքեր օրեր առաջ բռնաբարել ու փորձել էին այրելով սպանել 18-ամյա Օքսանա Մակարին: Այդ մասին գրում է Комсомольская правда в Украине պարբերականը:
Առայժմ Օքսանա Մակարի բռնաբարության և սպանության փորձի մեջ կասկածվող Եվգենի Կրասնոշեկը, Արտյոմ Պողոսյանը և Մաքսիմ Պրիսյաժնյուկը պահվում են Ձերբակալվածների ժամանակավոր պահման վայրում (ՁԺՊՎ): Սակայն օրենքի համաձայն, մեղադրանք առաջադրելուց հետո նրանց պետք է տեղափոխեն նախաքննական մեկուսարան, որտեղ նրանք պետք մնան մինչև դատավճռի հրապարակումը: Բայց այնտեղ նրանց արդեն սպասում են տեղի կալանավորները:
«Ես տառացիորեն այսօր շփվել եմ մի շատ լավ ծանոթի հետ,-ասել է կալանավոր Ժորա «Պիսար»-ը,- ով պնդում է, որ նրանցից և ոչ մեկը ընդհանուր խցում իր տեղը «չի գտնի»»: Նիկոլաևսկի ոստիկանությունում այդ տեղեկատվությունը հաստատել են` իրենց անունը գաղտնի պահելու պայմանով: «Մեզ մոտ այդ պատճառով իսկապես լուրջ բարդություններ են առաջացել,-ասել է քննիչ Նիկոլայը:- Հիմնավոր կասկածներ կան, որ մեղադրյալների հաշիվները կփորձեն մաքրել մինչև դատավճռի հրապարակումը»: Նրա խոսքով, մի քանի օր առաջ Ուկրաինայի քրեակատարողական հիմնարկների մեծ մասում պատիժ կրող զէկերը նամակներ են ստացել քրեական հեղինակություններից` պահանջով` հաշվեհարդար տեսնել այդ տղաների նկատմամբ:
Այդ ընթացքում կասկածյալներից Արտյոմ Պողոսյանն անընդհատ լացում ու երդվում է, որ չի բռնացել Օքսանայի նկատմամբ, այլ պատահաբար է հայտնվել այդ բնակարանում: Բայց ահա քննությունն արդեն պարզել է, որ Արտյոմ Պողոսյանն անձամբ մասնակցություն է ունեցել հանցագործությունը թաքցնելու գործում. նա օգնել է Եվգենի Կրասնոշեկին և Մաքսիմ Պրիսյաժնյուկին` Օքսանա Մակարին քարշ տալ շինհրապարակ և մասնակցել է նրան այրելու գործողությանը: Պողոսյանի մայրը` Լարիսա Պողոսյանը, շարունակում է պնդել, որ իր որդուն հակառակ իր կամքի են պահել այդ բնակարանում:
Օկսանա Մակար
Հիշեցնենք, որ ավելի վաղ հաղորդվել էր, որ Նիկոլաևում մարտի 9-ի լույս 10-ի գիշերը այդ տղաները խաբեությամբ տուն են հրավիրել 18-ամյա Օքսանա Մակարին, հերթով բռնաբարել նրան, հետո հանցագործության հետքերը թաքցնելու համար` սկզբում փորձել են նրան` խեղդամահ անել, իսկ հետո` կենդանի այրել:
Կասկածյալները ձերբակալված են, իսկ աղջիկը գտնվում է հիվանդանոցում` չափազանց ծանր վիճակում: Երեքշաբթի օրը նշանակված վիրահատությունը հետաձգվել է, քանի որ տուժողի մոտ թոքաբորբ է սկսվել:
Արտյոմ Պողոսյան
Իսկ ահա Ուկրաինայի Сегодня. պարբերականը նշում է, որ Ուկրաինայի հոգեբույժների ասոցիացիայի նախագահ Սեմյոն Գլուզմանը համարում է, որ Օքսանա Մակարին խոշտանգած երեք երիտասարդները մեղսունակ են: Նա այդպիսի եզրակահանգման է եկել` դիտելով կասկածյալներից մեկի` Կրասնոշեկի հարցաքննության տեսագրությունը, որտեղ նա խոստովանում է, որ հենց ինքն է խեղդամահ արել Օքսանային: «Նա հիվանդ մարդու տպավորություն չի թողնում, միանգամայն գիտակից է»,-նշել է Գլուզմանը:
Եվգենի Կրասնոշեկ
Թերթին ՆԳՆ-ից հայտնել են, որ կասկածյալների մեղսունակությունը ստուգելու փորձաքննություն պաշտոնապես չի անցկացվել:
Նիկոլաևում Կրասնոշեկի մոր մասին ասում են, որ տեղի ունեցածից հետո մայրը փորձել է կախվելով վերջ տալ կյանքին, սակայն նրան օգնության է հասել երկրորդ որդին և կանխել: Իսկ կասկածյալներից Արտյոմ Պողոսյանի մայրն ասել է, որ իր որդին ստորագրել է մի բանի տակ, ինչը չի արել:
