Associated Press գործակալության փոխանցմամբ` Apple ընկերությունը հայտարարել է, որ վերջին երեք օրերին վաճառել է 3 միլիոն նոր սերնդի iPad պլանշետային համակարգիչներ: Նոր համակարգիչն արդեն վաճառվում է մոտ 10 երկրներում` ԱՄՆ, Ավստրալիա, Մեծ Բրիտանիա, Գերմանիա, Հոնգկոնգ, Կանադա, Սինգապուր, Ֆրանսիա, Շվեյցարիա, Ճապոնիա:
«Նոր iPad-ն իսկական բլոքբասթեր է: Արդեն վաճառվել է 3 միլիոն համակարգիչ»,- ասել է Apple-ի փոխնախագահ Ֆիլիպ Շիլլերը` նշելով, որ սա ամենահաջող նորամուտն է, որ երբևէ արձանագրել է այս համակարգիչը:
Apple-ի ներկայացուցիչներն ավելի վաղ հայտարարել էին, որ երրորդ սերնդի iPad-ները ռեկորդային վաճառք են արձանագրում, սակայն հստակ թվեր դեռ հայտնի չեն:
