Կրասնոդարի մարզի Տուապսե քաղաքի դատարանն այսօր կարող է փոխել Ռուսաստանում հայտնի բնապահպան Սուրեն Ղազարյանի խափանման միջոցը, որին մեղադրում են խուլիգանական գործողություններ իրականացնելու մեջ: Այս մասին հաղորդում է «Ազատություն» ռադիոկայանը:
«Առաջին լրատվական»-ը տեղեկացրել էր, որ բնապահպաններ Սուրեն Ղազարյանն ու Եվգենի Վիտիշկոն անցած տարվա աշնանը փորձել էին գրառումներ թողնել Սև ծովի ափին գտնվող մի շինության պարիսպների վրա, որը, ըստ բնապահպանների, պատկանում է նահանգապետ Տկաչովին և ապօրինի է կառուցված` բնապահպանական բոլոր նորմերի խախտմամբ:
Ղազարյանը մի քանի անգամ խախտել է քաղաքը չլքելու մասին պարտավորությունը, իսկ մի քանի օր առաջ կալանքի ենթարկվել:
