Պաղեստինի արտաքին գործերի նախարարը երկուշաբթի օրն ասել է, որ երկրի իշխանությունները խնդրել են ՄԱԿ–ի մարդու իրավունքների պաշտպանության խորհրդին պաշտոնական հետաքննություն իրականացնել գրավված տարածքներում իսրայելցիների բնակեցման ազդեցության վերաբերյալ:
The Jerusalem Post-ը գրում է, որ հետաքննությունը պետք է հիմնականում հիմնված լինի պաղեստինցիների կյանքի և մարդու իրավունքների տեսանկյունից բնակեցման ազդեցության վրա:
Հաղորդվում է, որ եթե ՄԱԿ-ն ընդունի առաջարկը, ապա հետաքննությունը նման կլինի այն նույն հետաքննություններին, որոնք վերջերս իրականացվել են Լիբիայում և Սիրիայում, և դրա մեջ ներգրավված կլինեն երեք կամ չորս փորձագետներ, որոնք այնուհետև իրենց զեկույցները կներկայացնեն ՄԱԿ-ին։
