Ռուսաստանը միացել է «Կարմիր խաչի» միջազգային կոմիտեի կոչին, որ Սիրիայում ամեն օր երկու ժամով դադարեցվեն հարձակումները:
BBC News-ը հաղորդում է, որ Ռուսաստանի արտգործնախարարն իր հայտարարության մեջ կոչ է արել է Սիրիայի կառավարությանն ու բոլոր զինված խմբերին, որոնք դուրս են եկել կառավարության դեմ, համաձայնել դադարեցնել կրակոցներն «անհապաղ»:
Հիշեցնենք, որ Ռուսաստանը երկու անգամ վետո է դրել Սիրիայում բռնությունները դադարեցնելու ՄԱԿ–ի Անվտանգության խորհրդի բանաձևերի վրա:
Ռուսաստանի այս հայտարարությունն արվում է մի քանի ժամ անց այն բանից հետո, երբ բախումներ են սկսվել Սիրիայի մայրաքաղաք Դամասկոսում:
Սերգեյ Լավրովն այս հայտարարությունն արել է «Կարմիր խաչի» նախագահի հետ Մոսկվայում տեղի ունեցած հանդիպումից հետո:
