Պարզվում է, որ մաշկին առողջ տեսք տալու համար անհրաժեշտ չէ տանջվել, ժամանակ և գումար ծախսել բնական և արհեստական ճանապարհով արևայրուք ունենալու համար, այլ ընդամենն անհրաժեշտ է միայն հետևել ճիշտ սննդակարգի: Այս եզրակացությանը հանգել են Նոթինգեմա ինստիտուտի գիտնականները, որոնք պարզել են, որ սննդակարգի մեջ շատ մրգեր և բանջարեղեն օգտագործելու դեպքում, բարելավվում է մաշկի գույնը: «Շատերը կարծում են, որ մաշկին առողջ տեսք հաղորդելու լավագույն միջոցն արևայրուքն է, իսկ մենք ապացուցում ենք, որ գազար, ծիրան և լոլիկ օգտագործելն ավելի արդյունավետ է»,-նշում են հետազոտության հեղինակները: «Բանջարեղենային» արևայրուքի արդյունավետությունը կարոտինոիդների մեջ է, որոնք հակաօքսիդանտներ են`պատասխանատու մրգերի և բանջարեղենի գունավորման համար, ինչպիսիք են գազարը և լոլիկը: Կարոտինոիդները մեծ դեր ունեն նաև մարդու օրգանիզմի իմունային և վերարտադրողական համակարգերի աշխատանքի համար: