Ուկրաինայի նախագահ Վիկտոր Յանուկովիչը երկուշաթի մեկնում է Մոսկվա պաշտոնապես՝ Եվրասիական տնտեսական համագործակցության (ԵվրԱզԷՍ) միջպետական խորհրդի նիստին մասնակցելու, փաստացիորեն՝ ևս մեկ անգամ ՌԴ նորընտիր նախագահ Վլադիմիր Պուտինի հետ «ծանոթանալու» համար: Կիևում մտավախություն ունեն, որ Պուտինի վերադարձով Մոսկվան կարող է ուժեղացնել ազդեցությունը հարևան երկրների վրա: Ուստի Ուկրաինայի համար այժմ կարևոր է հասկանալ՝ ինչպես խոսել Ռուսաստանի իշխանությունների հետ,- գրում է «Նեզավիսեմայա գազետա»-ն:
Փորձագերները կարծում են, որ գալիք հանդիպումից սենսացիաներ սպասել պետք չէ: Ռուսաստանի կողմից բնականոն հարաբերություններ հաստատելու ամենամեծ ցանկության դեպքում իսկ ո՛չ Յանուկովիչի թիմը, ո՛չ իշխանությանը հակված ուկրաինացի խոշոր գործարարները պատրաստ չեն զիջումների գնալ: Ռուսական կողմն էլ իր հերթին չի պատրաստվում գազային նվերներ անել Ուկրաինային:
Ուրաինայի քաղաքականության իսնտիտուտի փորձագետ Ալեքսեյ Պոլտորակովը նշել է, որ Յանուկովիչը Մոսկվա է մեկնում դրությանը ծանոթանալու համար: «Դա կարծես թե հետախուզություն է գլխավոր մարտից առաջ: Կիևի համար կարևոր է հասկանալ՝ ինչպես նոր պայմաններում խոսել Ռուսաստանի իշխանությունների հետ, որն այժմ ապրում է վերաբեռնման շրջան»:
Ռուս քաղաքական գործիչ Կոնստանտին Զատուլինի կարծիքով՝ Ուկրաինայի և Ռուսաստանի ղեկավարությունը գնալով ավելի շատ է սկսում նյարդայնանալ մեկը մյուսից, և դա ավելի է բարդացնում իրավիճակը: «Փոխըմբռնում չի առաջանում, բոլորը պաշտպանողական վիճակով կանգնած են իրենց դիրքերում և չեն շարժվում դրանցից»,- ասել է նա:
Ռուս փորձագերներից ոմանք կարծում են, որ շատ շուտով Պուտինը կսկսի քաղաքական ճնշումները Յանուկովիչի վրա: «Պուտինի հաղթանակը ընտրություններում գլոբալ հետևանք չի ունենա ռուս-ուկրաինական հարաբերությունների համար: Ինչպես ճնշել են, այնպես էլ կճնշեն, սակայն կփոխվի դինամիկան: Յանուկովիչի վրա քաղաքական ճնշումները կուժեղանան բոլոր ուղղություններով՝ Եվրաիսիական միությունը, Մաքսային միությունը, Յուլյա Տիմոշենկոյի գործը»,- Gazeta.ua պարբերականին տված հարցազրույցում ասել է փորձագետ Անդրեյ Օկարան:
Մոսկվայի կողմից Ուկրաինայի նկատմամբ ճնշումների ուժեացում են կանխատեսում նաև Արևմուտքում: The Financial Times-ը գրում է, որ Կիևն այժմ գտնվում է բավական թույլ դիրքերում: Բրյուսեը նույնպես դժգոհ է ընդդիմության դեմ Յանուկովիչի հալածանքներից և երկրում իրականացվող տնտեսական բարեփոխումներից, սակայն ԵՄ-ն իր խնդիրներն ունի: ԱՄՆ-ը իր հերթին զբաղված է նախընտրական քարոզարշավով, և ստեղծված պայմաններում Մոսկվան կավելացնի ճնշումն Ուկրաինայի վրա: «Պուտինի օգտին են աշխատում ժամանակը, փողերը և իշխանությունը»,- գրում է թերթի հոդվածագիրը:
