Այս շաբաթ Վաշինգտոնի գիտական հասարակության ամբողջ ուշադրությունը սևեռված էր բժշկության, էներգետիկայի ու ՏՏ ոլորտում նորարարությունների վրա:
ԱՄՆ մայրաքաղաքում Intel և Society for Science & the Public (SSP) ընկերությունները մրցանակներ էին շնորհում բարձր դասարանների դպրոցականների շրջանում անցկացվող ամենահեղինակավոր ազգային գիտական մրցույթի հաղթողներին:
Intel Science Talent Search մրցույթի գլխավոր մրցանակը` 100 հազար դոլարի չափով, բաժին ընկավ Նիթին Թումմային՝ Միչիգան նահանգի Ֆորտ Գրաթիոտ քաղաքից: Այս մասին հաղորդում է ЛІГАБізнесІнформ-ը:
Թումման անալիզի էր ենթարկել մոլեկուլյար մեխանիզմներն ու եկել եզրակացության, որ սպիտակուցի որոշ տեսակների արգելափակումը թույլ կտա դանդաղեցնել չարորակ ուռուցքների աճը: Բարձր դասարանցու հետազոտությունը, գիտնականների կարծիքով, թույլ կտա մշակել քաղցկեղի բուժման ավելի արդյունավետ, ճշգրիտ ու անվտանգ եղանակներ:
Ընդհանուր առմամբ` մրցույթին մասնակցել են 39 դպրոցների աշակերտներ` ԱՄՆ 16 նահանգներից:
