Բելառուսի նախագահ Ալեքսանդր Լուկաշենկոն հրաժարվել էլ համաներում շնորհել Դմիտրի Կոնովալովին և Վլադիսլավ Կովալյովին, որոնք մահապատժի են դատապարտված Մինսկի մետրոներից մեկում կատարած ահաբեկչության համար: Այս մասին հայտնում է RIA Novosti-ն՝ հղում անելով բելառուսական «Բելառուս-1» հեռուստաալիքին:
Կովալյովն ու Կոնովալովը մեղավոր էին ճանաչվել 2011 թ. ապրիլի 11-ին և 2008 թ. հուլիսի 3-ին Մինսկի, 2005 թ. Վիտեբսկի մետրոներում կատարած ահաբեկչական գործողությունների համար:
2011 թ. նոյեմբերի 30-ին Կովալյովն ու Կոնովալովը մահապատժի էին դատապարտվել երկրի Գերագույն դատարանի կողմից, որի վճիռները բեկանման ենթակա չեն:
Կոնովալովին մեղավոր էին ճանաչել ահաբեկչության, իսկ Կովալյովին` ահաբեկչությանը սատարելու մեջ:
Կովալյովն իր մեղքը չի ճանաչել ու դիմել է նախագահին՝ խնդրելով համաներում: Կոնովալովը նման խնդրանքով հանդես չի եկել` ընդունելով մեղքը 2008 և 2011 թթ. ահաբեկչություններում:
Պայթյունի հետևանքով Մինսկի «Օկտյաբրսկայա» մետրոյի կայարանում 2011 թ. մահացել էր 15 մարդ, ավելի քան 200-ը` ստացել են մարմնական վնասվածքներ: Վիտեբսկում պայթյունից տուժել էր շուրջ 50 մարդ, ոչ ոք չէր զոհվել:
