Պատասխանելով «ժողովուրդ» օրաթերթի հարցին, թե այդքան միլիոնի յուրացումներից հետո Դուք դեռ շարունակում եք մնալ Հանրապետական կուսակցության անդամ, ՀՀ սոցիալական ապահովության պետական հիմնադրամի նախկին Նախագահ Վազգեն Խաչիկյանն ասել է.
«Իհարկե: Ես բազմիցս հայտարարել եմ, որ ի տարբերություն քաղաքականության մեջ ճամբարներ փոխողների, քաղաքական բոմժերի՝ ես կմնամ ՀՀԿ-ում երեկ, այսօր և վաղը»:
«Իսկ ինչ երեսով եք քարոզելու ՀՀԿ-ի համար»՝ հարցրել է թերթը Խաչիկյանին. «Պարզ երեսով»:
«Երբ հետաքրքրվեցինք, թե արդյոք ծանր մեղադրանքներից հետո Խաչիկյանի մոտ ամեն ինչ լա՞վ է, նա պատասխանեց. «Ամեն ինչ լավ է դրախտում, և ամեն ինչ լավ է հորիզոնական դիրք ընդունած վիճակում, երբ վերևից ու ներքևից մոմեր են դրված ու ծաղկեպսակներ»:
