ԱՄՆ նախագահ Բարաք Օբաման ասել է, որ ԱՄՆ-ն «իրական առաջընթաց» ունի Աֆղանստանում՝ չնայած նոր լարվածությանը, որն առաջացել է ամերիկացի զինծառայողի կողմից 16 աֆղան քաղաքացիների սպանության պատճառով:
Ինչպես հաղորդում է The Voice of America-ն, նախագահն ասել է, որ վերջին օրերին Աֆղանստանում տեղի ունեցած «ողբերգական իրադարձություններն» ապացույցն են այն բանի, որ առաքելությունը դեռևս բարդ է, բայց, այնուամենայնիվ, հարկ է ընդունել, որ ԱՄՆ-ը և ՆԱՏՕ-ն Աֆղանստանում կարողացել են հաջողությունների հասնել «Թալիբան»–ի և «Ալ-Կաիդա»–ի դեմ պայքարում:
Սպիտակ տանը տեղի ունեցած մամլո ասուլիսի ժամանակ Բարաք Օբաման ևս մեկ անգամ շեշտել է, որԱֆղանստանից ամերիկյան զորքերը հեռացնելու ժամանակացույցը չի փոխվի: