«Ռոմա»-ի գլխավոր մարզիչ Լուիս Էնրիկեն ցանկանում է թիմի կազմ հրավիրել կատալոնական «Բարսելոնա»-ի 24-ամյա հարձակվող Պեդրո Ռոդրիգեսին:
Gazetta dello sport-ի տեղեկացմամբ ընթացիկ մրացաշրջանում Իսպանիայի ազգային հավաքականի ֆուտբոլիստը բազմաթիվ վնասվածքների պատճառով բավականաչափ խաղաժամանակ չի ստանում կատալոնական ակումբի կազմում, և վարձակալությամբ «Ռոմա» տեղափոխվելով՝ հարձակվողը կվերականգնի իր երբեմնի մարզավիճակը:
Նշենք, որ այժմ իտալական ակումբում հանդես է գալիս «Բարսելոնա»-ի նախկին հարձակվող Բոյան Կրկիչը, ում նույնպես «Ռոմա» է հրավիրել Լուիս Էնրիկեն:
Հիշեցնենք, որ ամռանը «Ռոմա» կվերադառնա Մարկո Բորիելոն, ով այժմ վարձավճարով հանդես է գալիս Թուրինի «Յուվենթուս»-ում: