Tunis TV-ին տված հարցազրույցում Թուրքիայի նախագահ Աբդուլլահ Գյուլը հայտարարել է, որ Թուրքիայի Մալաթիա նահանգում տեղակայված ՆԱՏՕ-ի հակահրթիռային պաշտպանության համակարգն ուղղված չէ Իրանի դեմ.
«Ոմանք ասում են, թե դա Իսրայելի պաշտպանության համար է, սակայն դա կատարելապես անհնար է: Իսրայելը ՆԱՏՕ-ի անդամ չէ և չի կարող օգտվել նրա հնարավորություններից: Քանի դեռ Թուրքիան գոյություն ունի, դա տեղի չի ունենա, քանի որ ՆԱՏՕ-ում բոլոր որոշումների ընդունման համար անհրաժեշտ է նրա բոլոր անդամների համաձայնությունը: Դա միայն իսրայելցիների սև PR-ն է:
Մենք 1952 թվականից ՆԱՏՕ-ի անդամ ենք և նրա կարևոր պետություններից մեկը: Այդ ռադարային համակարգն ուղղված չէ Իրանի դեմ, այն ՆԱՏՕ-ի հակահրթիռային պաշտպանության տարր է և չի հետապնդում այս կամ այն երկրի վրա հարձակման նպատակներ: Այդ համակարգն ուղղված է հրթիռների և ոչ թե երկրների դեմ»: