Սիրիայի նախագահ Ահմեդ աշ-Շարաան Իսրայելի ղեկավարությանը կոչ է արել դուրս բերել զորքերը երկրի հարավի բուֆերային գոտուց՝ իսրայելական զինված ուժերի կողմից վերջերս իրականացված ռեյդից հետո: Այս մասին հաղորդում է The Associated Press գործակալությունը:
Ըստ ՄԱԿ-ի՝ խոսքը մոտավորապես 235 քառակուսի կիլոմետր տարածքից իսրայելական զորքերի դուրսբերման մասին է: Աշ-Շարաան նաև դատապարտել է իսրայելական ստորաբաժանումների վերջին գործողություններն այդ գոտում:
Հունիսի 28-ին Իսրայելի պաշտպանության բանակը հայտարարել է մի քանի զինված ահաբեկչի ոչնչացման մասին Սիրիայի հարավում գտնվող բուֆերային գոտում: Իսրայելցի զինվորականների ռեյդը դիմադրության է արժանացել տեղի բնակիչների կողմից։ Աբդին քաղաքի բնակիչներն արգելափակել են ճանապարհները, մի քանիսը քարեր են նետել իսրայելական ուժերի ուղղությամբ։ Բախման հետևանքով քաղաքացիական բնակչության շրջանում տուժածներ չկան, սակայն բնակիչները հեռացել են և հունիսի 29-ի դրությամբ դեռ չէին վերադարձել տուն՝ վախենալով իսրայելական ուժերի նոր ներխուժումներից։
Ավելի վաղ Իսրայելի պաշտպանության նախարար Իսրայել Կացը հայտարարել էր, որ երկիրը չի գնա փոխզիջումների սահմաններին իր անվտանգության ապահովման հարցում, ուստի իսրայելական զինված ուժերը մտադիր են պահպանել վերահսկողությունը Լիբանանում, Սիրիայում և Գազայի հատվածում անվտանգության սեփական գոտիների նկատմամբ:
