Հին տոմարով Նոր տարին նշելու սովորույթը զուտ հայկական չէ և բնորոշ է այն ժողովուրդներին, որոնք ունեն Հուլիան և Գրիգորյան տոմարային տարբերություններ:
«Ք.ա. 46-45 թթ. հունվարի 1-ը համարվեց տարեսկիզբ, սակայն Հուլիան տոմարը արեգակնային տոմարից ուներ որոշակի տարբերություններ։ 1582 թ. Գրիգոր 13-րդ պապի նախաձեռնած ռեֆորմը ավելի ճշգրիտ էր, որովհետև Հուլիան տոմարով տարին ուներ 365 օր 6 ժամ, իսկ Գրիգորյան տոմարով`365 օր 45 րոպե 46 վայրկյան»,- նշեց ԵՊՀ հայ եկեղեցու պատմության և եկեղեցաբանության ամբիոնի դասախոս, ազգագրագետ Սամվել Մկրտչյանը:
Սամվել Մկրտչյանը, խոսելով տոնը նշելու սովորույթների մասին, ասաց, որ հայերը տոնը նշելու ավանդույթներ չունեն, քանի որ հնում չեն նշել. «Հայերը հին Նոր տարին սկսել են նշել 20 թվականից, իսկ ռուսները`18 թվականից: Դա ավելի շատ ռուսական միջավայրի երևույթ է»: