«Բրիտանիկա» հայտնի հանրագիտարանի հրատարակիչները նախօրեին հայտարարել են, որ հրաժարվում են այլևս տպագրել այն, իսկ հանրագիտարանն այսուհետ կվաճառվի բացառապես էլեկտրոնային կրիչներով: Այս մասին հաղորդում է France Presse գործակալությունը:
«Սա վերջին քայլն է հրատարակչից մինչև թվային ուսուցողական արտադրանքի հեղինակներ մեր էվոլյուցիայի մեջ»,- ասվում է Encyclopedia Britannica-ի հրատարակչի հայտարարության մեջ:
«Բրիտանիկան» հնագույն հանրագիտարաններից մեկն է, որը սկսել է լույս տեսնել 244 տարի առաջ` 1768թ.-ից: Մինչև հիմա եղել է այդ հանրագիտարանի 15 հրատարակություն:
1990-ականներից սկսած` այս հանրագիտարանի վաճառքը կտրուկ նվազել է` կապված համացանցի զարգացման հետ:
