Եգիպտոսի գահընկեց արված նախագահ Հոսնի Մուբարաքի կառավարության նախկին նախարարները, խոշոր գործարարները, ովքեր դատապատվել են կաշառակերության մեղադրանքով, պաշտոնապես դիմել են նոր կառավարությանը` խնդրելով կնքել համաձայնագիր:Այս մասին լրագրողներին հայտնել է ֆինանսների նախարար Մումթազ Աս-Սայիդը:
Քրեական գործից ազատվելու դիմաց նախկին նախարարները և գործարարները պետությանը պետք է վերադարձնեն իրենց ամբողջ անշարժ գույքն ու կարողությունը, որոնք, ըստ մեղադրանքի, ձեռք են բերվել անօրինական ճանապարհով:
Եգիպտոսի ներկայիս իշխանությունները դեռևս չեն որոշել արդյո՞ք արժե ընդունել այն մարդկանց առաջարկը, ովքեր խորհրդանշում են Մուբարաքի իշխանությունը:
«Այս հարցը դեևս ուսումնասիրվում է, որոշում չի ընդունվել»,- հայտարարել է ֆինանսների նախարարը:
Եգիպտոսում Հոսնի Մուբարաքի վարչակարգի տապալումից հետո քրեական գործ է հարուցվել տասնյակ քաղաքական գործիչների և գործարարների դեմ, որոնք մեղադրվում են կաշառակերության մեջ:
