Չինաստանի դեսպանն այսօր Կահիրեում Արաբական պետությունների լիգայի պաշտոնյաների հետ ունեցած հանդիպումից հետո ասել է, որ Չինաստանը և արաբական երկրները համաձայնել են, որ կարիք կա «քաղաքական լուծում» գտնել՝ Սիրիայում ճգնաժամը դադարեցնելու համար:
Ինչպես հաղորդում է AFP-ն, դեսպանն ասել է, որ իրենք բոլորը գիտակցում են ճգնաժամի համար խաղաղ և քաղաքական լուծում գտնելու կարևորությունը։
Նա նաև լրագրողներին ասել է, որ ինքն առաքելություն ունի քննարկելու չինական 6 կետից բաղկացած նախաձեռնությունը և բանակցելու արաբ պաշտոնյաների հետ` «միջազգային համաձայնության և հակամարտության խաղաղ լուծման հասնելու համար»։
