Իրանում օսկարակիր A Seperation («Բաժանում») ֆիլմի ռեժիսոր Ասղար Ֆարհադիին հարգանքի տուրք մատուցելու միջոցառումը հետաձգվել է իշխանությունների կողմից այն բանից հետո, երբ միջոցառման համար հնարավոր չի եղել ստանալ անհրաժեշտ թույլտվությունները:
Հիշեցնենք, որ ֆիլմը փետրվարին արժանացել էր «Օսկար»–ի՝ «Լավագույն օտարալեզու ֆիլմ» անվանակարգում:
The Hollywood Reporter-ը հաղորդում է, որ ոչ մի տեղեկություն չկա այն մասին, թե ինչու չի թույլատրվել միջոցառումը, թեև հայտնի է, որ բոլոր հանրային միջոցառումները պետք է նախ հաստատվեն կառավարության կողմից:
Ֆիլմը հայրենիքում գովաբանվել էր իսրայելական ֆիլմին հաղթելու համար, սակայն որոշ իրանցի պահպանողականներ այնքան էլ ուրախ չէին ֆիլմի սցենարի պատճառով, որը պատմում էր ընտանեկան խառնաշփոթի, գենդերային խտրականության և երկրից հեռանալու մարդկանց ցանկության մասին:
Որոշ մարդիկ բողոքել են, որ միջոցառումը հետաձգվել է` ասելով, որ իրենք ցանկանում էին պարզ, ընկերական հանդիպում ունենալ, որի ժամանակ կարող էին Ֆարհադիին շնորհակալություն հայտնել այն ձեռքբերումների համար, որոնց նրա շնորհիվ հասել է իրանական կինոարտադրությունը:
