«РИА Новости» գործակալության հաղորդմամբ, Նյու Յորքի մի շարք օդանավակայաններում մոտ 1700 չվերթ չեղյալ է հայտարարվել` գիշերը տեղացած առատ ձյան պատճառով: Մեկ գիշերվա ընթացքում քաղաքը ծածկվել է 35 սմ ձյան շերտով, իսկ Նյու Յորքի հյուսիսային շրջաններում ձյան շերտը հասել է մինչև 45-50 սմ-ի, իսկ հարևան Քոնեքտիկուտ նահանգում` 60 սմ: Չնայած առատ տեղումներին` միջազգային օդանավակայաններն, այնուամենայնիվ, շարունակում են իրենց աշխատանքը:
Տեղական ժամանակով ժամը 9-ին Ջոն Քենեդիի անվան օդանավակայանում չեղյալ են հայտարարվել 210 ժամանող և 215 մեկնող չվերթներ:
Այս պահին տեղումները դադարել են, և Նյու Յորքում շողում է պայծառ արևը: