Մոսկվայի Նոր Արբատ փողոցում ընդդիմության «Հանուն արդար ընտրությունների» ցույցն արդեն ավարտվել է նախատեսվածից ավելի վաղ: Այս մասին հայտնում են gazeta.ru-ի թղթակիցները:
«Վերջ, ցույցն արդեն ավարտվել է, հնչում է Ցոյի «Փոփոխություններ» երգը»,- հաղորդում են լրագրողները:
Ընդդիմության ներկայացուցիչներն իրենց նախորդ պահանջներից բացի` անդրադարձել են նաև լրագրող Օլգա Ռոմանովայի ամուսնու` Ալեքսեյ Կոզլովի գործին, որի դատը պետք է կայանա մարտի 11-ին: Վերջիններս պահանջել են պայքարել «անարդար վճռի» դեմ:
Տարբեր գնահատականների համաձայն` ընդդիմության հանրահավաքին մասնակցել է 10 հազարից 30 հազար մարդ: Կազմակերպիչները նշում են 25 հազար մարդու մասին:
