Իսրայելի վարչապետ Բենիամին Նեթանյահուն հինգշաբթի օրը Channel 2–ին տված հարցազրույցում ասել է, որ Իրանի վրա հարձակումն, անշուշտ, «առաջիկա մի քանի օրերին տեղի չի ունենա, բայց դրան տարիներով էլ սպասել պետք չի լինի»:
Ինչպես գրում է The Jerusalem post-ը, Նեթանյահուն ևս մեկ անգամ շեշտել է, որ ռազմական հարձակումը խնդիրը լուծելու միակ եղանակը չէ, և դեռ հույս կա, որ դիվանագիտական ճանապարհով հնարավոր կլինի դադարեցնել հակամարտությունը:
Վարչապետն ասել է, որ հույս ունի, որ Իրանի վրա ճնշումները ճիշտ ազդեցություն կունենան, և իրենք կկարողանան խաղաղ կերպով համոզել Իրանին դադարեցնել միջուկային ծրագիրը:
Նեթանյահուն ընդունել է, որ Իրանի վրա հարձակում սկսելու որոշումը շատ մեծ պատասխանատվություն է, քանի որ եթե ճիշտ քայլեր չարվեն, հնարավոր է, որ այլևս չլինի նոր սերունդ, որին նա կկարողանա բացատրել, թե ինչու է կայացրել նման որոշում:
