Ռուսաստանին խիստ անհանգստացնում են այն լուրերը, որ Լիբիայում զինյալներ են պատրաստում Սիրիայի կառավարության դեմ մարտական գործողությունների համար: Այս մասին հայտարարել է ՄԱԿ-ի Անվտանգության խորհրդում Ռուսաստանի ներկայացուցիչ Վիտալի Չուրկինը:
«Մենք անհանգստացած ենք ստացվող այն լուրերով, որ Լիբիայի տարածքում, ընդ որում՝ իշխանությունների աջակցությամբ, ստեղծվել է հատուկ կենտրոն՝ այսպես կոչված սիրիական հեղափոխականներ պատրաստելու համար»,- նշել է Ռուսաստանի ներկայացուցիչը, որի խոսքերը մեջբերում է RIA Novosti-ն:
Նրա խոսքերով՝ կենտրոնի «կուրսանտները» շարժվում են դեպի Սիրիա՝ «օրինական կառավարության դեմ ռազմական գործողություններ վարելու համար»:
«Դա անթույլատրելի միջազգային իրավունքի բոլոր չափանիշներով: Բացի այդ, նման գործունեությունը խաթարում է Մերձավոր Արևելքի տարածաշրջանում կայունություն ապահովելու ջանքերը»,- ասել է Չուրկինը:
