Ռուսաստանի բնակիչները կարծում են, որ իրենց երկրի ամենագեղեցիկ կինը նախկին «Միսս տիեզերք» Օկսանա Ֆեոդորովան է, իսկ ՌԴ ամենախելացի կնոջ դափնիները բաժին են ընկել Դաշնային խորհրդի նախագահ Վալենտինա Մատվիենկոյին: Այս մասին են վկայում Կանանց միջազգային տոնի նախօրեին կատարված Հասարակական կարծիքի համաժողովրդական կենտրոնի հարցումները։
Դրանց համաձայն` վարկանշային աղյուսակի առաջին հորիզոնականներում տեղ է զբաղեցրել երգչուհի Ալլա Պուգաչովան, որին համարում են և՛ խելացի, և՛ գեղեցիկ:
Հարցման մասնակիցները հայտարարել են, որ ոչ ոք իր խելքով չի կարող գերազանցել Մատվիենկոյին: Ամենախելացի քաղաքական գործիչների թվում է նաև Իրինա Խակամադան (10%): Այս մասին հայտնում է Interfax գործակալությունը:
Հարցվածների 5 տոկոսը քվեարկել է Ալլա Պուգաչովայի և Թինա Կանդելակիի «խելքի օգտին», 3 տոկոսը կարծում է, որ ամենախելացի կինը երկրում հեռուստահաղորդավարուհի Քսենիա Սոբչակն է։
Հարցվածների 2 տոկոսն էլ ամենախելացի կին է համարում իր կնոջը կամ ընկերուհուն:
Ձայների մեկ տոկոսն են ստացել ՌԴ նախագահ Դմիտրի Մեդվեդևի կինը` Սվետլանան, ՌԴ վարչապետի կինը` Լյուդմիլա Պուտինան, գրող Պոլինա Դաշոկվան և այլք:
