ԱՄՆ նախագահ Բարաք Օբաման երեքշաբթի օրը հայտարարել է, որ Աֆղանստանում Ղուրանների պատահական այրումը և ամերիկացի զինվորների սպանությունները ևս մեկ անգամ ապացուցեցին, որ ժամանակն է դադարեցնել պատերազմը:
Associated press-ի փոխանցմամբ՝ նախագահ Օբաման Սպիտակ տան մամլո ասուլիսի ժամանակ հայտնել է, որ վերջերս տեղի ունեցած իրադարձությունները ցույց են տալիս, թե ինչպիսի մարտահրավերներ կան, և «հարկավոր է այդ ամենը դադարեցնել»:
Օբաման, սակայն, հայտարարել է, որ չի արագացնի ՆԱՏՕ-ի կողմից աջակցություն ստացած ծրագրի իրականացումը, ըստ որի՝ Աֆղանստանում ռազմական առաքելությունը ավարտվում է 2014 թվականին: Նախագահը հավելել է, որ Ղուրանների այրման պատճառով ամերիկացիների նկատմամբ սկսված բռնությունները «անընդունելի են»:
