Եմենում «Ալ-Կաիդա»–ի մասնաճյուղը երեքշաբթի օրն ասել է, որ իրենք հարձակվել էին ԱՄՆ-ի հետախուզության պաշտոնյայի վրա այն բանից հետո, երբ երկիր ուղարկված ամերիկյան զորքերի նոր առաջնորդը խոստացել էր պայքարել իսլամիստ գորհայինների դեմ:
Ըստ Reuters-ի՝ համացանցում իր տարածած հայտարարության մեջ «Ալ-Կաիդա»–ն ասել է, որ հարձակումը տեղի է ունեցել, քանի որ ամերիկացի զինվորների ներկայությունը երկրում զգալիորեն մեծացել է:
Պենտագոնը հաստատել էր, որ հարձակում է տեղի ունեցել, բայց հերքել էր խմբի հայտարարությունն այն մասին, որ իրենց հաջողվել է սպանել պաշտոնյային: Հարձակման թիրախ հանդիսացող մարդու ինքնությունը դեռևս պարզ չէ:
Խմբի հայտարարությունն արվել է երկու օր անց այն բանից հետո, երբ նրանք Եմենի Աբյան շրջանում տեղի ունեցած մի շարք հարձակումների պատասխանատվությունն իրենց վրա էին վերցրել։ Այդ հարձակումների արդյունքում 100-ից ավելի զինվոր էր մահացել:
