Ռուսական Regnum լրատվական գործակալության փոխանցմամբ՝ Ադրբեջանի նախագահ Իլհամ Ալիևը մարտի վերջին հանդիպելու է ԱՄՆ նախագահ Բարաք Օբամայի հետ: Այս մասին հայտնում են դիվանագիտական աղբյուրները:
Վերջիններիս տվյալներով՝ այդ հանդիպումը տեղի է ունենալու մարտի 26-27-ին Սեուլում կայանալիք միջուկային գագաթնաժողովում: Իլհամ Ալիևը նույնպես հրավիրված է այդ գագաթնաժողովին և արդեն իսկ ընդունել է հրավերը:
Հիշեցնենք, որ նախորդ միջուկային գագաթնաժողովն անցկացվել էր 2010 թվականին Վաշինգտոնում, սակայն Իլհամ Ալիևը դրան մասնակցելու հրավեր չէր ստացել, ինչը հարուցել էր պաշտոնական Բաքվի խոր դժգոհությունը:
