Այսօր ԱՄՆ-ում սուպերերեքշաբթի է. միանգամից 10 նահանգներում ընտրողները կորոշեն, թե հանրապետական թեկնածուներից ում են իրենք տեսնում դեմոկրատ Բարաք Օբամայի մրցակցի դերում: Այս մասին հաղորդում է Reuters գործակալությունը:
Այսպես կոչված «սուպերերեքշաբթիի» պրայմերիզը ամենավճռական փուլն է ԱՄՆ ներկուսակցական ընտրարշավում, քանի որ դա, որպես կանոն, որոշում է թեկնածուների առաջնորդին:
Հունվարին սկսված ընտրարշավին մասնացկում էին ամբողջ երկրում հայտնի 6 հանրապետական թեկնածուներ: Այս պահին ընտրարշավը շարունակում են հանրապետական 4 թեկնածուներ՝ չափավոր ուղղության քաղաքական գործիչ Միթ Ռոմնին, պահպանողական և պոպուլիստ Նյութոն Գինգրիչը, կոնգրեսական և Փենսիլվանիայի նախկին սենատոր, պահպանողական Ռիք Սանտորումը և Ռոն Փոլը: Թեկնածուն կորոշվի սեպտեմբերին կայանալիք կուսակցության համագումարում:
Այսօր ընտրությունները կանցկացվեն Ջորջիա, Այդահո, Մասաչուսեթս, Հյուսիսային Դակոտա, Օհայո, Օկլահոմա, Թեննեսի, Վիրջինիա, Վերմոնտ և Ալյասկա նահանգներում:
Փորձագետները և ԶԼՄ-ները կասկածում են, որ Միթ Ռոմնին կարող է հաղթել բոլոր 10 նահանգներում: Նրա հաղթանակը երաշխավորվում է միայն նրա հայրենի Մասաչուսեթսում և Վերմոնտում, որտեղ նույնպես նախկին նահանգապետին լավ են ճանաչում: Իր վայելած ժողովրդականությամբ երկրորդ թեկնածուն՝ Սանտորումը, փորձագետների կարծիքով, կարող է հաղթել Օկլահոմայում և Թեննեսիում: Գինգրիչին հաղթանակ են կանխատեսում Միայն Ջորջիայում: Փոլը, իր հերթին, վերջին շաբաթների ընթացքում ուշադրությունը կենտրոնացնում է Ալյասկայի, Այդահոյի և Հյուսիսային Կարոլինայի վրա:
Այս պահին թեկնածուներից ձայների առավելություն ունի Միթ Ռոմնին:
