Պատմության մեջ առաջին անգամ բնական աղետների հետևանքների վրա ծախսվել են ռեկորդային գումարներ: Այս մասին հաղորդում է «Ազատություն» ռադիոկայանը` հղում կատարելով ՄԱԿ-ի պաշտոնական ներկայացուցչին:
ՄԱԿ-ի գլխավոր քարտուղար Պան Գի Մունի հատուկ ներկայացուցիչ Մարգարետ Վալմստրոմն ասել է, որ ամենամեծ գումարները ծախսվել են Ճապոնիայում անցած տարվա մարտի 11-ին տեղի ունեցած հզոր երկրաշարժի և դրանից հետո սկսված ցունամիի հետևանքները վերացնելու համար:
Ընդհանուր առմամբ ծախսվել է 380 մլրդ դոլար, որն ավելի քան 60%-ով ավելի է, քան 2005թ.-ին ԱՄՆ-ում «Կատրին» փոթորկից հետո վճարված ապահովագրական գումարների ծավալն էր:
Այլ աղետների շարքում Վալմստրոմը նշել է Նոր Զելանդիայի երկրաշարժը և Թաիլանդի ջրհեղեղները:
