Washington Post-ը, հիմնվելով ԱՄՆ նախագահի վարչակազմի աղբյուրի տեղեկատվության վրա, գրել է, որ Իրանն աջակցում է սիրիական իշխանություններին` ապստամբների դեմ պայքարում:
Ինչպես տեղեկացրել է թերթը, երեք ամերիկացի պաշտոնյաներ հայտարարել են, որ Իրանը մեծացրել է Սիրիայի նախագահ Բաշար Ասադի վարչակարգին զենքի մատակարարման չափերը:
Դա տեղի է ունենում այն ժամանակ, երբ Հոմսի ապստամբների դիմադրությունը կոտրելու համար սիրիական իշխանություններն անում են ամեն ինչ:
Հրատարակությունը նշում է, որ վերջին օրերի ընթացքում արաբական երկրները ևս քննարկում են Սիրիա զենք ուղարկելու հարցը, բայց ոչ թե Ասադի վարչակարգին, այլ` ապստամբներին:
