Ոստիկանությունը ձերբակալել է Pussy Riot ֆեմինիստական պանկ խմբի ևս երկու անդամների, ովքեր կասկածվում են Ամենափրկչի տաճարում խուլիգանություն անելու մեջ:
Մարտի 3-ին ձերբակալվել էին նաև խմբի երեք անդմաներ և Война խմբի ակտիվիստ Պյոտր Վերզիլովը: Pussy Riot խմբի նկատմամբ քրեական գործ է հարուցվել այն բանից հետո, երբ փետրվարի 21-ին նրա անդամներն Ամենափրկչի տաճարում «պանկ-աղոթք» են կազմակերպել՝ ասելով. «Մա՛յր Աստվածածին, Պուտինին վռնդիր»: Ելույթից անմիջապես հետո նրանցից ոչ մեկը չէր ձերբակալվել:
Խմբի անդամները մեղադրվում են հասարակական կարգը խախտելու, նաև՝ կրոնական ատելություն սերմանելու մեջ:
Այս գործի հետաքննության հետ կապված՝ ոստիկանությունն այցելել է Русская служба новостей ռադիոկայանի գրասենյակ, քանի որ վերջինիս հաղորդավար Վլադիմիր Կարպովը եթերում զրուցել էր Pussy Riot խմբի անդամների հետ: