Կառավարության հինգշաբթի օրվա նիստում քննարկվելու է «Մեղրի» հիդրոէլեկտրակայանի կառուցման քաղաքաշինական փաստաթղթերի հատուկ համալիր փորձաքննություն անցկացնելու մասին որոշման նախագիծը: Այդ նպատակով ստեղծվելու է միջգերատեսչական ժամանակավոր փորձաքննական հանձնաժողով: Հիշեցնենք, որ «Մեղրի» հիդրոէլեկտրակայանի կառուցման ծրագիրը իրականացվում է ՀՀ Ազգային ժողովի կողմից վավերացված` Հայաստանի Հանրապետության կառավարության և Իրանի Իսլամական Հանրապետության կառավարության միջև 2007 թվականի մարտի 19-ին ստորագրված «Արաքս գետի վրա հիդրոէլեկտրակայաններ կառուցելու և շահագործելու բնագավառում համագործակցության մասին» համաձայնագրի և Հայաստանի Հանրա¬պետության կառավարության և Իրանի Իսլամական Հանրապետության կառավարության միջև 2008 թվականի հունիսի 25-ին Երևանում և 2008 թվականի հուլիսի 19-ին Թեհրանում ստորագրված «Արաքս գետի հիդրոէներգետիկ նախագծի ուսումնասիրության և իրա¬կանացման շրջանակներում Հայաստանի Հանրապետության և Իրանի Իսլամական Հանրապետության սահմանային երթևեկության դյուրացման» կանոնակարգի համաձայն: