Սիրիայի իշխանությունները զոհված երկու արևմտյան լրագրողների մարմինները մարտի 2-ին հանձնել են «Կարմիր խաչ» միջազգային կոմիտեի ներկայացուցիչներին: Ինչպես տեղեկացնում է Reuters-ը, հղում անելով Carla Haddad կազմակերպության մամլո քարտուղարին, ամերիկուհի Մարի Քոլվինի և ֆրասիացի Ռեմի Օշլիկի մարմինները Հոմսից Դամասկոս են տեղափոխել շտապօգնության մեքենայով:
Agence France-Press-ը տեղեկացնում է, որ ֆրանսիական դատախազությունը սկսել է Օշլիկի մահվան հանգամանքների հետաքննությունը:
Ուրբաթ օրը Ֆրանսիայի նախագահ Նիկոլա Սարկոզին հայտարարել էր, որ Դամասկոսում ֆրանսիական դեսպանատունը կփակվի:
Բրիտանական The Sunday Times-ի 56-ամյա լրագրող Քոլվինը և 28-ամյա ֆրանսիացի ֆոտոլրագրող Օշլիկը զոհվել էին փետրվարի 22-ին՝ Սիրիայի Հոմս քաղաքում:
