News Georgia-ի փոխանցմամբ` Թբիլիսիում սկսել են արհեստականորեն նվազեցնել Կուր գետի ջրի մակարդակը: Այս մասին հայտարարել է Թբիլիսիի քաղաքապետարանի մամլո ծառայության ներկայացուցիչը:
Վերջինիս խոսքերով՝ դա արվում է Թբիլիսիում ավտոմոբիլային երթևեկության ծանրաբեռնվածությունը մեղմելու նախագծի շրջանակներում: Այդ նոր և մասշտաբային նախագծով նախատեսվում է Կուր գետի աջ ափի երկայնքով 5 տեղերում կառուցել կամուրջներ, թունելներ, էստակադաներ:
Ճանապարհի լայնացման նպատակով էլ արհեստականորեն աստիճանաբար նվազեցվելու է Կուրի ջրի մակարդակը:
Թբիլիսիի քաղաքապետարանի ներկայացուցիչը, սակայն, չի հայտնել, թե քանի մետրով է իջեցվելու գետի մակարդակը՝ ընդգծելով, որ դա հայտնի կդառնա աշխատանքների ընթացքում: