Իրանական IRNA լրատվական գործակալության փոխանցմամբ` մարտի կեսերին Իրան է ժամանելու պակիստանյան պատվիրակությունը: Այս մասին հայտարարել է Պակիստանի նավթի և բնական պաշարների նախարարության մամլո քարտուղար Իրֆան Կազին:
Վերջինիս խոսքերով՝ իրանական կողմը պատրաստակամություն է հայտնել օրական Պակիստանին մատակարարել 80,000 բարել նավթ՝ հետագայում վճարման պայմանով: Բացի այդ, իրանական կողմը համաձայնել է 250 միլիոն դոլարի վարկ տրամադրել պակիստանյան կողմին՝ Իրանից դեպի Պակիստան գազատարի կառուցման համար, որով էլ իրանական գազը կհասցվի Պակիստան:
Հիշեցնենք, որ ավելի վաղ Պակիստանի նախագահ Ասիֆ Ալի Զարդարին հայտարարել էր, թե չնայած միջազգային ճնշմանը՝ Պակիստանը մտադիր է ավելի զարգացնել Իրանի հետ իր հարաբերությունները: