ՀՀ բարձրագույն պետական և ոչ պետական ուսումնաական հաստատություններում ամենամեծ պահանջարկ ունեցող մասնագիտությունները շարունակում են մնալ իրենց անփոփոխ դիրքերում:
Հանրապետության 85 բարձրագույն պետական և ոչ պետական բուհերում և 11 մասնաճյուղերում սովորող ուսանողների վերաբերյալ ԿԳՆ վերջին վիճակագրությունը վերաբերում 2007-2008 ուսումնական տարվան, համաձայն որի` նշված տարում ՀՀ պետական և ոչ պետական բուհեր է ընդունվել 26,157 ուսանող, որում կանայք կազմել են 52.1 տոկոսը, սովորել է 112,244 ուսանող, իսկ ավարտել է 17,863 ուսանող, որում կանայք կազմում են 57.8 տոկոսը: Իսկ եթե ըստ հերթականության ներկայացնենք ամենամեծ պահանջարկն ունեցած մասնագիտությունները, ապա դրանցից առաջին տեղում մանկավարժությունն է, որի համապատասխան ֆակուլտետներում սովորել է 22,524 ուսանող, այնուհետև տնտեսագիտությունը, որտեղ նշված ուսումնական տարիներին սովորել է 19,080 ուսանող, հաջորդն առողջապահությունը և սպորտն է, որի համապատասխան ֆակուլտետներում սովորել է շուրջ 18,268 ուսանող, սրան զիջում է իրավագիտությունը ` 10,607 ուսանողով: Գյուղատնտեսական ոլորտի մասնագիտությունները հետաքրքրել են ուսանողներից 8,630-ին, արդյունաբերության և շինարարության ոլորտի մասնագիտությունները նախընտրել են նրանցից 7,021-ը, արվեստ և կինեմատոգրաֆիա` 4,212-ը և վերջում ամենաքիչ թվով հետարքրվողներ ունեցող տրանսպորտի և կապի ոլորտն է, որի համապատասխան ֆակուլտետներում սովորել է ընդամենը 1,217 ուսանող: