Գերմանիայի դատարանը վճռել է կասեցնել Ֆրանկֆուտի օդակայանի ավիադիսպետչերների գործադուլը, որը ձգվում է արդեն 9 օր` խոչընդոտելով Եվրոպայի խոշորագույն օդանավակայաններից մեկի բնականոն աշխատանքը: Այս մասին նշում է Reuters գործակալությունը: Դատավորը հայտարարել է, որ 190 կարգավարների գործադուլը, որը հանգեցրել է հազարավոր չվերթների հետաձգման, անօրինական է:
Ինչպես գրում է գերմանական Local թերթը, օդանավակայանի Fraport ընկերությունը ու Lufthansa ավիաընկերությունը դիմել էին դատարան` պահանջելով գործադուլի ժամանակավոր կասեցում: Աշխատակիցների շահերը պաշտպանող արհմիությունը կարող է բողոքարկել դատարանի որոշումը:
Ինչպես գրում է The Wall Street Journal-ը, անտեսելով դատարանի որոշումը` օդանավակայանի աշխատակիցները կշարունակեն գործադուլը: Դրա հետ կապված`չորեքշաբթի հետաձգվել է շուրջ 235 թռիչք: Աշխատակիցները պահանջում են բարձրացնել իրենց աշխատավարձերը ու բարելավել աշխատանքի պայմանները:
Հերթական գործադուլը սկսվել է փետրվարի 26-ին ու պետք է ավարտվի մարտի 1-ին:
Fraport-ի տվյալով` չվերթների հետաձգումն ընկերությանն արժենում է օրական գրեթե 1 մլն եվրո: