Նոր հետազոտության արդյունքում ապացուցվել է, որ այն ծնողները, ովքեր չեն կարողանում ճիշտ դաստիարակել իրենց երեխաներին, ստեղծում են ագրեսիվ երեխաների սերունդ, ովքեր չեն կարողանում իրենց ճիշտ պահել ուսումնական հաստատություններում։
Daily Mail-ը գրում է, որ երեխաները կրկնակի անգամ առավել մեծ հավանականություն ունեն ագրեսիվ լինելու, եթե նրանց ծնողները բռնություն են գործադրել կամ քննադատաբար են մոտեցել և չեն կարողացել հստակեցնել, թե ինչ է թույլատրվում երեխաներին անել տանը:
Ի տարբերություն այդ երեխաների, այն երեխաները, որոնց ծնողները կարողանում են միավորել ջերմությունը, հստակ կանոններն ու թույլատրելիի սահմանները, առավել լավ վարք ունեն:
Հետազոտության համար ուսումնասիրվել են բրիտանացի 300 ընտանիքներ։ Գնահատվել է ընտանիքում երեխայի պահվածքը և այն, թե ինչպես է իրականացել դաստիարակությունը:
Հետազոտությունն իրականացրել է Մեծ Բրիտանիայի Ծնողական հետազոտության ազգային ակադեմիան:
