Բջջային հեռախոսներ արտադրող Nokia ընկերությունը ներկայացրել է նոր մատչելի Microsoft Windows Phone պլատֆորմի սմարթֆոն, որի միջոցով ընկերությունը մտադիր է բարելավել իր դիրքերը շուկայում,- տեղեկացնում է Bloomberg:
Ընկերությունը կարծում է, որ Windows Phone պլատֆորմը 2012-ին բարենպաստ կազդի Nokia-ի վաճառքի վրա:
Նոր Lumia 610 հեռախոսը կարժենա 189 եվրո, որը 30%-ով ավելի մատչելի է, քան նախկին սմարթֆոնը:
Nokia-ի առաջին 2՝ Windows պլատֆորմի հեռախոսները` Nokia Lumia 800-ը և Nokia Lumia 710-ը, արդեն լավ արձագանքներ են ստացել բջջային սարքավորումների շուկայում,- հայտարարել է կոնցեռնի ղեկավար` Սթիվեն Էլոպը: Նրա խոսքերով` բջջային սարքավորումների վաճառքը Lumia ապրանքանիշի ներքո «նշանակելիորեն գերազացել է 1 մլն-ը»:
Վերջերս ընկերությունը լուրջ ֆինասական խնդիրներ ունի: Nokia ֆինանսական կոնցեռնը 2011 թ. 4-րդ եռամսյակում կորցրել է 1.3 մլրդ դոլար: Ընկերությունը մոտ 954 մլն եվրոյի կորուստ է կրել համեմատած մեկ տարի առաջ ունեցած շահույթի, որը կազմել էր 884 մլն եվրո:
Սմարթֆոնների վաճառքի ծավալը, նախորդ տարվա նույն ժամանակահատվածի ցուցանիշների համեմատ, կրճատվել է 31 տոկոսով` 28.6 մլն-ից մինչև 19.6 մլն:
Nokia-ի ցուցանիշների անկումը տեղի է ունեցել մրցակից Apple-ի ռեկորդային եկամուտի հայտարարության ֆոնի վրա:
