Նյու Յորքում Լարի Գագոսյանի թանգարանում ապրիլի 30-ին կբացվի իսպանացի աշխարհահռչակ նկարիչ Պաբլո Պիկասոյի աշխատանքների ցուցադրությունը` նվիրված մեծ նկարչի` Ֆրանսուազ Ժիլոյի հետ ապրած կյանքի տարիներին, որի հետ նա ծանոթացել է 1943 թ.:
Մինչ այդ Գագոսյանը կազմակերպել է 3 ցուցադրություն՝ մասնավորապես նվիրված Մարիա Թերեզա Վալտերի հետ Պիկասոյի հարաբերություններին:
Ընդհանուր առմամբ, այս երեք ցուցադրությունները դիտել է 260 հազար մարդ, որոնք տեսել են նկարչի ավելի քան 300 աշխատանք, որոնց երեք քառորդը տրամադրել էին նկարչի ժառանգները:
Գագոսյանի նոր ցուցադրությանը կներկայացվեն 1943-1953 թթ. ստեղծված աշխատանքները: 1948 թ. Ժիլոն և Պիկասոն տեղափոխվում են Ֆրանսիայի հարավ, ինչի պատճառով էլ նկարներում հայտնվում է ծովային թեմատիկա: Ժիլոն նկարչին պարգևում է երկու զավակ: Նրա ընտանեկան կյանքն իր արտացոլումն է գտնում այդ ժամանակվա նկարներում, որոնք պատկերում են ընտանեկան տեսարաններ ու դիմանկարներ:
Հայազգի Գագոսյանի 11 թանգարաններում ներկայումս ցուցադրվում են Դեմիան Հերսթի նկարչական աշխատանքները: Ներկայացված է 300 աշխատանք:
