News Georgia-ի փոխանցմամբ՝ Վրաստանի նախագահ Միխեիլ Սաակաշվիլին փետրվարի 25-ին, երբ Վրաստանում նշվում էր Կարմիր բանակի կողմից երկրի օկուպացման օրը, մասնակցել է վրացական առաջին հետևակի մարտական մեքենայի՝ «Լազիկա»-ի փորձարկմանը: Այս մասին նշված է վրացական պետության ղեկավարի Facebook-յան էջում:
Փորձարկումն իրականացվել է Թբիլիսիի մոտ ընկած Վազիանիի հրաձգարանում: Դրան ներկա է գտնվել նաև պաշտպանության նախարար Բաչո Ախալայան: Վերջինիս Սաակաշվիլիին իրազեկել է «Լազիկա»-ի տվյալների մասին. այն ունի 23 միլիմետր տրամաչափի հրանոթ և 7.62 միլիմետր տրամաչափի գնդացիր, ծանր զրահ, որը չի խոցվում 14.5 միլիմետր տրամաչափի զենքից արձակված փամփուշտից: «Լազիկա»-ի անձնակազմը բաղկացած է 3 մարդուց:
Հիշեցնենք, որ «Լազիկա»-ն իր անունը ստացել է ի պատիվ Վրաստանի սևծովյան հատվածում կառուցվող նույնանուն քաղաքի, որն ունենալու է կես միլիոն բնակչություն:
