Wikileaks կայքը հայտարարել է նոր խմբաքանակի գաղտնի փաստաթղթերի հրապարակման մասին, որոնք վերաբերում են Stratfor հետախուզական ընկերության նամակագրությանը: Այս մասին հաղորդում են համաշխարհային լրատվամիջոցները` հղում կատարելով Wikileaks-ի տարածած հաղորդագրությանը:
2004-20011թթ.-ի նամակագրության մեջ նշվում են Stratfor-ին տեղեկություններ հայտնողների անունները, ինչպես նաև նրանց աշխատանքի և վճարման մանրամասները: Փաստաթղթերում շոշափվում են այնպիսի խոշոր ընկերությունների անուններ, ինչպիսիք են Bhopal’s Dow Chemical Co-ն և Lockheed Martin-ը, կառավարական հաստատություններ, ինչպիսիք են ազգային անվտանգության նախարարությունը, ծովային հետևակազորի կորպուսը և ռազմական հետախուզության վարչությունը:
Հիշեցնենք, որ «Ստվերային ԿՀՎ» անունը կրող Stratfor-ը անցած տարվա վերջին հայտարարել էր, որ ցանցահենների Anonymous խմբի կողմից հարձակման է ենթարկվել կազմակերպության տեղեկությունների բազան, որից հետո այն հայտնվել է համացանցում:
