Սովորաբար ընդունված է, որ շների ընկերակցությունը և նրանց հետ զբոսանքները օգտակար են մարդու առողջությանը: Սակայն պարզվում է, որ մարդկանց լավագույն ընկերը առողջության համար կարող է ավելի շատ վնասակար, քան օգտակար լինել:
Հետազոտողներն ասում են, որ նրանք կարող են մի շարք անհանգստացնող և բժիշկների միջամտության անհրաժեշտություն առաջացնող վնասվածքների պատճառ դառնալ: Ընդամենը 2 ամսվա ընթացքում միայն մեկ հիվանդանոցի բժիշկներն արձանագրել են ոսկրի կոտրվածքների, փափուկ հյուսվածքների վնասվածքների և գլխի վերքերի 37 ծանր դեպք, որոնցից 16-ը վիրաբուժական միջամտության կարիք են ունեցել:
Տուժողների մի մասն ընկել է զբոսանքների ընթացքում, երբ շունը վազել է տիրոջ հետ մեկտեղ՝ քաշելով նրան, մյուս մասն էլ ընկել է, երբ շունը վազել է դեպի իրենց:
ԱՄՆ հիվանդանոցներում տարեկան գրանցվում է 200 դեպք, որոնց հիմնական պատճառը շունն է: Բժիշկներին այս արդյունքն ապշեցրել է:
«Վնասվելու հավանականությունը ավելի մեծ է տարեցների դեպքում և հատկապես կանանց, քանի որ նրանց ոսկորները ավելի փուխր են: Որոշ վնասվածքներ բավական լուրջ հիվանդությունների պատճառ են դառնում»,- ասել է Հասթինգսի հիվանդանոցի բժիշկ Հենրի Վիլմոթը:
